Projekts: Maja dzīduojumu tradiceja Latgolā
Ceļmolys krysti jeb krucifiksi ari myusdīnuos ir samārā bīži nūvārojami Latgolys ainovā. I taisni majs ir tys mieness, kod jī burtiski atsadzeivoj – teik eipaši izrūtuoti ar zīdu i lopu veitnem, pi jim puļcejās cylvāki, Rūžukrūņa i cytys lyugšonys, dzīsmis i litanejis zaļi tvaneigūs maja vokorūs uzavej augšup leidz ar putnu i vysys cytys Dīva radeibenis prīcys dzīsmem par sagaideitū vosorys laiku. Itūšaļt gon itū tradiceju nūteikti ītekmiejuse pandemeja i ar tū saisteitī puļciešonuos īrūbežuojumi, bet nuoks jauni pavasari i nūteikti atsarass ļaudis, kas gribēs dūt gūdu Dīvam i Dīvmuotei ari maja dzīduojumu veidā…
