Projekts – Veronika Dundure: “Latgalīši ir ar cīši aktivu dzeivis poziceju”

Školuotuoja VERONIKA DUNDURE ir vīna nu tuom personeibom, kas īdvesmoj – dareit i vuiceitīs arvin kū jaunu. Nautrānu vydsškolā jei vuica latvīšu volūdu i literaturu. Pasateicūt Veronikai, školāni īpazeist ari latgalīšu volūdu, kulturu i literaturu. Školuotuoja ir Latgalīšu volūdys, literaturys i kulturviesturis školuotuoju asociacejis vadeituoja, juos vuords zynoms ari saisteibā ar latgalīšu kulturviesturis, volūdys i literaturys olimpiadem, skotuvis runys konkursu “Vuolyudzāni”, vosorys kursim školuotuojim „Vosoruošona” i Metodiskuo centra izveidi Rogovkā. Veronika ir vīna nu tim cylvākim, kurim ir svareigi kūpt latgalīšu volūdu i vuiceit tū jaunajai paaudzei. Juos dorbs ir nūviertāts ar Nikodema Rancāna bolvu, ar Latgalīšu kulturys goda bolvu “Boņuks”. Par nūzeimeigu īguļdejumu latgalīšu volūdys, literaturys i kulturviesturis saglobuošonā i populariziešonā 19. augustā Reigys pilī jei sajieme vaļsts augstuokū apbolvuojumu – Atzineibys krystu.

Myusu saruna – par aktualū saisteibā ar latgalīšu volūdys apgivi školuos.